रत्नागिरी : यावर्षी देखील बॉम्बे आर्ट सोसायटी संस्थेनी अनेक वर्षांची परंपरा अबाधित राखत चित्र -शिल्प स्पर्धा घेतली.या मध्ये ऑनलाईन कलाकृतीचे फोटो पाठवले गेले व त्यातून संपूर्ण भारतातून विद्यार्थ्यांची निवड केली गेली . अनेक कलाविद्यार्थी यामध्ये सहभागी होते . आणि या मधून निवड होणे त्या विद्यार्थ्यांसाठी व महाविद्यालयासाठी खूप अभिमानाची गोष्ट असते. अशातच कोकणातील अग्रगण्य कलामहाविद्यालय सह्याद्रि स्कूल ऑफ आर्ट चा विद्यार्थी प्रथमेश गोंधळी याला बॉम्बे आर्ट सोसायटीचा मानाचा समजला जाणारा अवॉर्ड घोषित झाला आहे. त्यामुळे कलामहाविद्यालयाचे व सह्याद्री शिक्षण संस्थेचे नाव उंचावले आहे.
विद्यार्थी देखील आपल्या या यशाचे श्रेय कलामहाविद्यालयास देत आहेत. तसेच यशस्वी विद्यार्थ्याचे सह्याद्रि शिक्षण संस्थेचे कार्यध्यक्ष व संगमेश्वर -चिपळूण मतदार संघांचे आमदार मा. श्री. शेखरजी निकम, संस्थेचे अध्यक्ष मा. श्री. बाबासाहेब भुवड, सेक्रेटरी मा. श्री. महेश महाडिक, जेष्ठ चित्रकार शिल्पकार मा. प्रा. प्रकाश अर्जुन राजेशिर्के , सौ. पूजाताई निकम,अनिरुद्ध निकम कलामहाविद्यालयाचे प्राचार्य. माणिक यादव तसेच प्राध्यापकवर्ग यांनी यशस्वी विद्यार्थ्याचे कौतुक व अभिनंदन केले.
