सावंतवाडी : नगरपरिषद सार्वत्रिक निवडणूक २०२५ च्या निमित्ताने सावंतवाडी शहराचा पर्यटन, पर्यावरणपूरक व शास्वत विकासाचा "महासंकल्प" करण्यासाठी जाहीर सभा भारतीय जनता पार्टीच्या माध्यमातून आयोजित करण्यात आली आहे. प्रदेशाध्यक्ष रविंद्र चव्हाण व पालकमंत्री नितेश राणे यांच्या प्रमुख उपस्थितीत सभा होत आहे. यावेळी उपस्थित राहावे असे आवाहन भाजप युवा नेते विशाल परब यांनी केले आहे.
मंगळवारी २५ नोव्हेंबर २०२५ रोजी सकाळी १० वाजता गांधी चौक, सावंतवाडी येथे ही सभा होत आहे. हजारोंच्या संखेने उपस्थित राहून सावंतवाडीच्या शास्वत व सर्वांगीण विकासाचा महासंकल्प करण्यासाठी उपस्थित रहावे असे आवाहन श्री. परब यांनी केले. तसेच सावंतवाडी नगरपरिषद निवडणूकीत नगराध्यक्ष पदाच्या उमेदवार श्रद्धाराजे भोसले व सर्व प्रभातील नगरसेवक पदाच्या उमेदवारांना भरघोस मतांनी विजयी करा आणि सावंतवाडी नगरपरिषदेत भाजपाचे "कमळ फुलवा"असेही आवाहन केले आहे.
