सावंतवाडी : सिंधुदुर्गचे भूमीपुत्र भाजपा नेते खा.नारायण राणे आणि राज्याचे मंत्री रविंद्र चव्हाण यांच्या मार्गदर्शनाखाली नवा सिंधुदुर्ग घडवूया असं मत भाजयुमो प्रदेश उपाध्यक्ष विशाल परब यांनी मळगाव येथे व्यक्त केल. तर शिक्षणाच्या वाटेवरील काटे दूर करणे हेच भाजपाचे ध्येय असल्याच मत विशाल परब यांनी व्यक्त केले. शालेय विद्यार्थ्यांना दप्तर आणि शैक्षणिक साहित्य वाटप कार्यक्रमात ते बोलत होते.
ते म्हणाले, भारतीय जनता पार्टी हा कोकणातील जनतेच्या सर्वांगिण विकासाशी कटिबद्ध असलेला पक्ष आहे. शेतकरी, महिला, बेरोजगार आदी सर्वांसाठी विविध योजनांमधून सक्षम बनवले जावे यासाठी कोकणचे नेते सिंधुदुर्गचे पालकमंत्री तथा महाराष्ट्राचे राज्याचे मंत्री रविंद्र चव्हाण, तसेच केंद्रीय नेतृत्व खासदार नारायण राणे गेली अनेक वर्षे सातत्याने प्रयत्नशील आहेत. कोकणी जनतेनेही भाजपावर विश्वास व्यक्त केला आहे. या जनतेप्रती असणारी कृतज्ञता म्हणून पालकांवर असणारा ताण कमी करत विद्यार्थ्यांना मदतीचा हात देण्याचा उपक्रम रविंद्र चव्हाण आणि नारायण राणे यांच्या मार्गदर्शनाखाली राबवण्यात येत आहे असं मत व्यक्त केले. भाजयुमो महाराष्ट्र प्रदेश उपाध्यक्ष विशाल परब यांच्या संकल्पनेतून शालेय विद्यार्थ्यांना दप्तर आणि शैक्षणिक साहित्य वाटपाचा कार्यक्रम पार पडला. मळगाव इंग्लिश हायस्कूलमध्ये विद्यार्थ्यांना दप्तर आणि शैक्षणिक साहित्याचे वाटप करण्यात आले. यावेळी भाजपाचे युवा नेतृत्व भाजयुमो महाराष्ट्र प्रदेश उपाध्यक्ष विशाल परब यांच्यासमवेत ॲड.अनिल निरवडेकर, मळगाव सरपंच हनुमंत पेडणेकर, माजी सरपंच स्नेहल जामदार, दिपक जोशी, शक्ती केंद्रप्रमुख निलकंठ बुगडे, माजी पंचायत समिती सदस्य राजू परब, मुख्याध्यापक मारुती फाले, चेअरमन मनोहर राऊळ, गजा सावंत, शाम सांगेलकर, सिद्धेश राऊळ, सुनील कदम आदी मान्यवर उपस्थित होते.
