सावंतवाडी : मांजर डोळे बंद करून दुध पिते, मांजराला वाटते की मला कोण बघत नाही अशी अवस्था सासोली प्रकरणातील पुढार्‍यांची आहे. उध्दव ठाकरे गटाचे जिल्हाप्रमुख यांचे ओरिजीन कंपनी बरोबर साटेलोटे आहेत. त्यामुळेच आंदोलनातुन त्यांनी माघार घेतली आहे. ग्रामस्थांना दमदाटी करण्याचे प्रकार होत असून भु माफिया आणि त्यांना मदत करणाऱ्या पुढार्‍यांची मनसे स्टाईल पोलखोल करणार असा इशारा महाराष्ट्र नवनिर्माण सेनेचे उपजिल्हाअध्यक्ष सुधीर राऊळ यांनी दिला आहे.
ते म्हणाले, सासोलीतील भु-माफियांची पोलखोल करणार असून येथील ओरिजीन कंपनी उबठा गटाचे जिल्हाप्रमुख यांना घेऊन काही ग्रामस्थांना दमदाटी करतात. हे मनसे कधीही खपवून घेणार नाही. उबाठा गटाचे दोन्ही बाजुचे नेते लोकांना फसवण्याचा प्रयत्न करत आहेत. तु मारल्या सारख कर मी रडल्यासारख करतो अशी त्यांची निती आहे. अशा या भुलथापाना लोक आता बळी पडणार नाहीत. सासोली ग्रामस्थाच्या बाजुने मनसे राहणार ठाम पणे उभी आहे असं मत श्री. राऊळ यांनी व्यक्त केले.
तसेच थोड्याच दिवसात मनसे अध्यक्ष राज ठाकरे सिंधुदुर्ग दौरा करणार असून त्या दौऱ्यात मनसे प्रदेश सरचिटणीस संदिप दळवी आणि कामगार सेना प्रदेश सरचिटणीस गजानन राणे यांच्या मार्गदर्शनात सासोली ग्रामस्थाची राज ठाकरेंशी भेट घालुन देणार असून त्यानंतर मनसे ग्रामस्थांना सोबत आंदोलनाची दिशा ठरवणार आहे. सासोलीतील पिडीत ग्रामस्थांना न्याय मिळवून देण्याचा मानस असून भु माफियांची आणि त्यांना मदत करणाऱ्या पुढार्‍यांची पोलखोल करून ग्रामस्थानच्या मदतीने त्यांना हद्दपार करणार असल्याचा इशारा मनसेच्या सुधिर राऊळ यांनी दिला आहे.
