सावंतवाडी : १० हजार रूपये घेऊन दिवसाला ५ रुपयांना विकले जाऊ नका, आपली किंमत ओळखा. ५ वर्षांचा विचार करुन मतदान करा, नगराध्यक्षपदासाठी अपक्ष उमेदवार म्हणून मी निवडणूक रिंगणात उतरले आहे. मला मेणबत्ती हे निवडणूक चिन्ह मिळालं आहे. त्यासाठी मला आशीर्वाद द्या असे आवाहन नगराध्यक्षपदासाठीच्या अपक्ष उमेदवार माजी उपनगराध्यक्षा अन्नपूर्णा कोरगावकर यांनी व्यक्त केले.
त्या म्हणाल्या, इथल्या महिला, युवक, ज्येष्ठांना न्याय देण्यासाठी बेरोजगारांना रोजगार देण्यासाठी मी लढत आहे. प्रलंबित प्रकल्प मार्गी लावण्यासाठी, अंडरग्राऊंड वीज वाहिन्या, महिलांना आत्मनिर्भर करण्यासाठी मी निवडणूक रिंगणात उतरले आहे. समोरचे उमेदवार नगरसेवक सुद्धा नव्हते. माझ्याकडे प्रशासनाचा अनुभव आहे. त्यामुळे मला निवडून देत संधी निवडून द्यावे. १० हजार घेऊन दिवसाला ५ रूपयांना स्वतःला विकू नका, स्वतःची किंमत ओळखा असे मत त्यांनी व्यक्त केले. मी भाजप बरोबर हातमिळवणी केलेली नाही. माझी शहर, माझी जबाबदारी समजून लढत आहे. जनता अफवांना बळी पडणार नाही. मला निश्चितच निवडून देईल असा विश्वास त्यांनी व्यक्त केला. यावेळी सौ. ऐश्वर्या कोरगावकर उपस्थित होत्या.
