सावंतवाडी : बाजारपेठेत रस्त्यावर टाकलेल्या ग्रीटवर दुचाकी घसरून माय- लेक जखमी झाले आहेत. यात दोघांनाही गंभीर दुखापत झाली आहे. वायु प्रदुषणासह आता मनुष्य हानीस जबाबदार पालिका प्रशासन व ठेकेदारावर कोणती कारवाई होणार ? की शासनकर्ते डोळ्यावर झापड बांधून गप्प बसणार असा सवाल शहरवासीय विचारत आहेत.
अपघातग्रस्त महिला वेंगुर्ल्यावरून भोसले कॉलेजमध्ये शिकत असलेल्या मुलीला कॉलेजमध्ये सोडण्यासाठी येत असताना रस्त्यावर तिची स्कुटी स्लीप झाली. आज सकाळी नऊच्या सुमारास हा अपघात घडला. शाळकरी मुलगी व तिच्या आईला हात, पाय व तोंडाला गंभीर दुखापत झाली. त्यावेळेस सामाजिक बांधिलकीचे कार्यकर्ते व सामाजिक कार्यकर्ते पेंटर लक्ष्मण कदम यांनी त्या दोघांनाही तत्काळ हॉस्पिटलमध्ये दाखल केले. त्यांच्यावर उपचार सुरू आहेत. पेशंटच्या नातेवाईकांनी सामाजिक बांधिलकीचे कार्यकर्ते व सामाजिक कार्यकर्ते लक्ष्मण कदम यांचे आभार मानले. बाजारपेठ मध्ये रस्त्यावरील खडीवर घसरून दिवसातून दोन ते तीन अपघात घडत तसेच व्यापाऱ्यांच्या दुकानात सुद्धा धुळीचं साम्राज्य वाढत चाललेला आहे. त्यामुळे व्यापारी परिस्थितीला खूप हैराण झालेले आहेत. सावंतवाडी नगरपालिकेच्या मुख्याधिकाऱ्यांनी ठिकठिकाणी बाजारपेठेतील रस्त्यावरील खडीवर घसरून दर दिवशी घडत असलेले अपघात थांबवण्यासाठी योग्य ती कार्यवाही करावी व नागरिकांना सहकार्य करण्याची विनंती केली आहे.
शहरात धुळधाण माजवणाऱ्या ठेकेदारामुळे धुळी प्रदुषणामुळे आरोग्यावर हानिकारक परिणाम होत असताना अपघातांना खूल आमंत्रण मिळत आहे. आज सकाळी माय-लेकीस या गलथान कारभाराचा फटका बसला. प्रशासनाक असणारे प्रांताधिकारी या घटनांबाबत डोळेझाक नेमकी का करत आहेत ? असा सवाल सावंतवाडीकर विचारत आहे. निकृष्ट काम पुन्हा करताना प्रशासनाचेही हात डांबरात माखले गेल्याचेही बोलल जात आहे. त्यामुळे स्थानिक आमदार दीपक केसरकर शहरवासीयांच्या या यातनांकडे, होणाऱ्या अपघातांकडे लक्ष देत संबंधितांवर कारवाई करणार ? की प्रशासकीय राजवटीचा गैरफायदा घेणाऱ्यांना मोकळीक देणार असा खडा सवाल यानिमित्ताने शहरवासीय विचारत आहेत.
