कुडाळ : मुंबई - गोवा महामार्गावर कुडाळ येथील साई मंदिर, पिंगुळी या ठिकाणी एका एसटी (राज्य परिवहन) बसने एका खासगी कारला मागून धडक दिल्याची घटना घडली आहे. या अपघातात कोणतीही जीवितहानी किंवा गंभीर दुखापत झाल्याची माहिती अद्याप हाती आलेली नाही, परंतु दोन्ही वाहनांचे किरकोळ नुकसान झाले असावे.
अपघाताची माहिती मिळताच कुडाळ पोलिसांनी तातडीने घटनास्थळी धाव घेतली आणि पंचनामा सुरू केला. या अपघातामागचे नेमके कारण काय होते, याबाबत कुडाळ पोलीस अधिक तपास करत आहेत.
