सावंतवाडी : राधारंग फाउंडेशन - सिंधुदुर्ग व श्री. सद्गुरु संगीत कला व सांस्कृतिक मंडळ, सावंतवाडी यांच्या संयुक्त विद्यमाने अभंग गायन स्पर्धेचे आयोजन करण्यात आले आहे.

ही स्पर्धा अठरा वर्षाखालील मुलां मुलींसाठी आहे.ही स्पर्धा 21 जून 2024 रोजी सायंकाळी  4.30 वाजता उभा बाजार ,सावंतवाडी येथील विठ्ठल मंदिरात आयोजित करण्यात आलेली आहे.

या स्पर्धेसाठी प्रथम क्रमांक पारितोषिक 1500 रुपये, द्वितीय परितोषिक 1000 रुपये, तृतीय पारितोषिक 700 रुपये तर उत्तेजनार्थ प्रथम व द्वितीय प्रत्येकी  500 रुपये पारितोषिक  आहेत. या अभंग गायन स्पर्धेत भाग घेऊ इच्छिणाऱ्या मुला मुलींनी आपली नाव नोंदणी मधुरा हेमंत खानोलकर, मोबाईल नंबर 8669289041 यांच्याकडे नोंदवावी.  प्रथम नाव नोंदणी केलेल्या 20 स्पर्धकांना या स्पर्धेत भाग घेता येईल. तरी विद्यार्थ्यांनी या स्पर्धेत भाग घ्यावा  असे  आवाहन  राधारंग फाउंडेशन सिंधुदुर्ग व सद्गुरु संगीत कला व सांस्कृतिक सावंतवाडी मंडळातर्फे करण्यात आले आहे.