कणकवली : रेल्वे स्टेशन परिसर सुशोभीकरण कामाला आता वेग आला आहे. रेल्वे स्टेशन परिसरात असणाऱ्या गोठणदेव मंदिर परिसर देखील सुशोभीकर होणार आहे. त्यासाठी बरीच वर्ष जुन्या असणाऱ्या झाडाच्या फांद्या छाटून त्या ठिकाणी नवीन चौथरा बांधून मंदिर व शेड देखील उभारण्यात येणार आहे. त्यामुळे ब्राह्मणदेव मित्रमंडळ परबवाडीच्यावतीने दादा परब, जयप्रकाश परब, काका परब, प्रकाश परब, भिवा परब, दीपक परब, अनंत परब, सचिन सरगले, संतोष सावंत यांनी समाधान व्यक्त करत सार्वजनिक बांधकाम विभागाच्यावतीने हाती घेण्यात आलेल्या या कामाला सहकार्य केले आहे. तसेच तेथील रिक्षा चकलकांचे देखील सहकार्य लाभले आहे. सध्या सुशोभीकरणाचे काम युद्ध पातळीवर सुरू आहे. कणकवली कार्यकारी अभियंता अजय कुमार सर्वगोड त्यांच्या मार्गदर्शनाखाली सध्या रस्त्याच्या काँक्रीट करण्याचे काम सुरू असून लवकरात लवकर काम पूर्ण करण्याचा मानस सार्वजनिक बांधकाम विभागाचा असल्याचे दिसत आहे. ठेकेदार मिथिल दळवी ,दीपक दळवी हे स्वतःया कामावर लक्ष ठेवून काम करत असल्याचे दिसून येत आहे.
