सावंतवाडी : सावंतवाडी नगरपरिषद निवडणूक अंतिम टप्प्यात आली आहे. शहराचा विकास करू असं लोक सांगत आहेत. मटका बंद केला म्हणून सांगणाऱ्यानी मटके वाल्यांनाच तिकीट दिलं. मालवण पोलिस ठाण्यात गुन्हा दाखल आहे. त्यामुळे इथे मटक्याचा विकास करणार का ? असा सवाल शिवसेना जिल्हाप्रमुख संजू परब यांनी केला. विकास फक्त दीपक केसरकर करू शकतात. अन्य कुणी विकास करू शकत नाही. स्थानिकांसोबत जनता राहते. मराठी बोलणाऱ्याला सावंतवाडीची जनता निवडून देईल असा विश्वास त्यांनी व्यक्त केला. आयोजित पत्रकार परिषदेत ते बोलत होते.
ते म्हणाले, युवराजांनी पत्रकार परिषद घेतली. २००३ ला आमदार कोण होते याचा अभ्यास करावा. ते राजकारणात नवीन आहे. बालीश वक्तव्य करू नये‌त. तलाव वाचवायचा असेल तर भाजपला मतदान करू नका असं आवाहन केलं. तर कॉलेजचं मैदान होत ती जागा विकली. पैशासाठी हे काहीही करू शकतात. मुलांचं नुकसान त्यांनी केलं. जागेचा व्यवहार करत तलावाशेजारील इमारत उभी केली. माझंही ऑफिस तिथ आहे. शिवराम राजेंनी दानधर्म केला. त्यानंतर कुणी काही केलं नाही असं त्यांनी सांगितलं.
दरम्यान, निलेश राणेंवर गुन्हा दाखल करण्यामागे कोण ? हे जनता जाणते. आम्ही त्यांच्या सोबत आहोत. असे गुन्हा दाखल केल्यान आम्ही घाबरणार नाही, उलट पेटून उठतो. पराभव निश्चित करून दाखवू असाही विश्वास त्यांनी व्यक्त केला. तसेच भाजप युवा नेते विशाल परबांचे कार्यकर्तेच सांगतात वरच मत देऊ नका. आमदारकीला धोका नको म्हणून ते प्रचार करत आहे. सावंतवाडीचा नगराध्यक्ष आमदार होतो यामुळे तसं करत असतील. आजपासून हा प्रचार सुरू केलाय, हवं तर पोलिसांकडून खात्री करा असा आरोप केला. यावेळी तालुकाप्रमुख दिनेश गावडे, गुरू मठकर, परिक्षीत मांजरेकर, मिलींद देसाई आदी उपस्थित होते.
