सावंतवाडी : प्रतिकूल परिस्थिती असली तरीही सावंतवाडीत उबाठा शिवसेनेच्या सीमा मठकर विजयी होती. 'धनशक्तीचा हैदोस जिल्ह्यात घातला आहे. मात्र, लोकशाहीची थट्टा करणाऱ्या हैवानांना गाडण्याचं काम जनता जनार्दन करेल असा विश्वास माजी खासदार विनायक राऊत यांनी व्यक्त केला. शहरात सलग दुसऱ्या दिवशी उबाठा शिवसेनेकडून जोरदार शक्तिप्रदर्शन करण्यात आले. यावेळी ते बोलत होते.
चिताराळी बाजारपेठ भागात माजी खासदार विनायक राऊत यांच्या उपस्थितीत भव्य रॅली काढण्यात आली. यावेळी शिवसैनिकांनी जोरदार घोषणाबाजी करत परिसर दणाणून सोडला. यावेळी उबाठा शिवसेनेचे जिल्हाप्रमुख बाबुराव धुरी, विधानसभा प्रमुख रूपेश राऊळ, अमरसेन सावंत, नगराध्यक्षपदाच्या उमेदवार सीमा मठकर यांसह उमेदवार तसेच शिवसैनिक मोठ्या संख्येने उपस्थित होते.
