▪️नारायण राणेंची प्रतिमा खराब करण्यास सुरूवात कुणी केली : मंत्री नितेश राणे
सावंतवाडी : निलेश राणेंचा बळीचा बकरा केला जातोय. उदय सामंत, शिवसेना नेते का बोलत नाहीत ? असा सवाल पालकमंत्री नितेश राणेंनी केला. आम. निलेश राणेंवर दाखल झालेल्या गुन्ह्याबद्दल विचारलं असता ते बोलत होते. तसेच उपमुख्यमंत्री एकनाथ शिंदेंनी कणकवलीतही उबाठा जिल्हाप्रमुखांच्या प्रचाराला याव असंही आवाहन त्यांनी केलं. २०१४ ला नारायण राणेंची प्रतिमा खराब करण्यास सुरूवात कुणी केली ? निलेश राणेंच्या विरोधात शड्डू कुणी ठोकला ? असाही टोला श्री. केसरकरांना हाणला. आयोजित पत्रकार परिषदेत ते बोलत होते.
ते पुढे म्हणाले, सावंतवाडी, वेंगुर्ले, कणकवली व मालवण नगरपरिषद निवडणूक प्रचार अंतिम टप्प्यात आला आहे. १ तारीखला रात्री १० वाजता प्रचार संपणार आहे. २ तारखेला मतदान होणार असून ३ डिसेंबरला निकाल लागणार आहे. भाजप म्हणून आम्ही ही निवडणूक विकासाच्या मुद्यावर लढत आहोत. मतदारांपर्यंत 'डोअर टू डोअर' आम्ही पोहचत आहोत. सावंतवाडीला सुंदरवाडी ही ओळख अजून भक्कम करण्याचा काम युवराज्ञी श्रद्धाराजे भोंसले यांच्या नेतृत्वाखाली होणार आहे. मुख्यमंत्री देवेंद्र फडणवीस, पालकमंत्री म्हणून मी व खासदार नारायण राणे त्यांच्यामागे उभे आहोत. सावंतवाडीकरांनी मतदार म्हणून विचार करावा. जिल्ह्यातील वातावरण आम्ही खराब करणार नाही. विकासाच्या अजेंड्यावर आम्ही मत मागत आहोत. ही निवडणूक विकासाच्या मुद्यावर लढवत आहोत. मतदारांच्या आशा अपेक्षा पूर्ण करण्यासाठी आम्ही निवडणूक लढवत आहोत.
दरम्यान, आजारपण व निवडणूकीचा संबंध काय आहे ? राजघराण्याच्या आशीर्वादान पुढचा प्रवास चांगला करण्यासाठी आमचा हेतू आहे. राजघराण्याला पाठिंबा नाही असं दीपक केसरकर यांनी सांगावं. केसरकर लवकर ठणठणीत व्हावेत हीच इच्छा आहे असं त्यांनी सांगितलं. तसेच २०१४ ला नारायण राणेंची प्रतिमा खराब करण्याची सुरूवात केली ? निलेश राणेंच्या विरोधात खासदारकीला शडडू कुणी ठोकला ? आज तेच म्हणातात राणेंच्या विरोधात कट रचला जातो, हे हास्यास्पद आहे. भाजपने आम्हाला आशीर्वाद, पद दिली. नारायण राणेंना केंद्रीय मंत्री करण्याचं काम भाजपने केल. पंतप्रधान नरेंद्र मोदी, अमित शहा, देवेंद्र फडणवीस, रविंद्र चव्हाण यांनीच संधी दिली. आम्हाला कोणी जेलमध्ये टाकलं ? केसीस घातल्या हे सगळं माहित आहे असा टोला केसरकर यांना हाणला. तर, महायुती टिकवण्याची जबाबदारी आमची आहे. आम्हाला जनतेला केंद्रस्थानी ठेवून विकास करायचा आहे. २ तारखेपर्यंत आम्हाला संयम ठेवायचा आहे. पोटनिवडणुकीत आमचा नगराध्यक्ष होता. त्यामुळे आताही आमचाच असावा यासाठी आग्रह होता.
दरम्यान, युतीसह शहर विकास आघाडी होऊ नये अशीही नारायण राणेंची होती. ती देखील झालीच. नारायण राणे मुख्यमंत्री राहिलेत. ते प्रगल्भ नेते आहेत. निलेश राणेंचा बळीचा बकरा केला जात आहे. उदय सामंत का बोलत नाही ? एकही शिवसेनेचा नेता समर्थनात का उतरत नाही ? दुसरीकडे गुलाबराव पाटील खिल्ली उडवत आहेत, असाही टोला हाणला. तसेच मी पालकमंत्री आहे, प्रश्न सोडवून दाखवतो. चांगली आरोग्य सुविधा देण्याची जबाबदारी माझी आहे. स्थानिक डॉक्टरांना विश्वासात घेऊन आम्ही ते करू मल्टीस्पेशालिटीबाबत निर्णय घेऊ.गोव्याला उपचार आणि रोजगारासाठी लोक जातात हे आम्हाला आवडत नाही. पालकमंत्री म्हणून ही काम मी करून दाखवतो असा विश्वास व्यक्त केला. तसेच जिल्ह्यात येणारे उपमुख्यमंत्री एकनाथ शिंदे कणकवलीत येत नाहीत. त्यांना कणकवली देखील यायला सांगा. त्यांनी उद्धव ठाकरेंच्या जिल्हाप्रमुखांसाठी मतदान मागायला यावं, कणकवलीतही सभा घ्यावी असं आव्हान केलं. तसेच नारायण राणेंनी कणकवलीच्या आमच्या सगळ्या उमेदवारांना आशीर्वाद दिला आहे. नारायण राणे ते टॅक्स फ्री आहेत अस सांगत पुढील ४ वर्षात माझ्या माध्यमातून रोजगार आणि विकास कामांवर भर दिला जाणार आहे. ताज हॉटेल, झी सीने अवार्डसह विविध गोष्टी होत आहेत. २ डिसेंबरनंतर दीपक केसरकर आणि आम्ही एकत्र बसणार आहोत. महायुती म्हणूनच पुढे कारभार करणार आहोत. राजघराण्याशी केसरकरांच नातं अधिक घट्ट आहे. त्यामुळे राजघराण्याचा मान ठेऊ असंही सांगितलं होतं. केसरकर मोठ्या मनाचे आहेत.
दरम्यान, ओंकार हत्तीसाठी आंदोलन करणाऱ्यांशी संवाद साधायचा आहे. वनविभागाशी चर्चा करून त्याला वनताराला का पाठवाव ? याबाबत माहिती घेणार आहे. प्राण्यांना त्रास होऊ नये म्हणून आमचाही प्रयत्न आहे. आमचा देखील प्राण्यांना त्रास होऊ नये हाच हेतू असल्याचे मत पालकमंत्री नितेश राणे यांनी व्यक्त केले.
एलईडी ट्रॉलर्सबाबत आमची स्पष्ट भूमिका आहे. आमच्या राज्यात एलईडी सहन करणार नाही. गय करणार नाही, जे येतील त्यांना परत जायची सोय नाही. कारवाई केलेल्या माझ्या खात्यातील अधिकाऱ्यांच अभिनंदन करतो असं मत नितेश राणेंनी व्यक्त केलं. मालवण येथे गोव्यातील एलईडीवर झालेल्या कारवाईबाबत विचारलं असता ते बोलत होते .
यावेळी युवराज लखमराजे भोंसले, माजी नगराध्यक्ष बबन साळगावकर, शहराध्यक्ष सुधीर आडिवरेकर, मंदार कल्याणकर आदी उपस्थित होते.
