कुडाळ : 'चिमणी पाखरं ग्रुप'तर्फे 'अवतरली तारका' या लोकप्रिय गाण्यावर आधारित एका खास रील स्पर्धेचे आयोजन करण्यात आले आहे. या स्पर्धेत सर्वांनी उत्साहाने सहभागी व्हावे, असे आवाहन ग्रुपचे सर्वेसर्वा रवी कुडाळकर यांनी केले आहे. सध्या 'अवतरली तारका' हे गाणे रसिकांचे मन जिंकत असून त्याची क्रेझ वाढत आहे. ही वाढती लोकप्रियता आणि सिंधुदुर्गातील बाल-कलाकारांना व तरुणांना प्रोत्साहन देण्याच्या उद्देशाने 'चिमणी पाखरं ग्रुप'ने आकर्षक बक्षीस ठेवून ही आगळीवेगळी स्पर्धा आयोजित केली आहे.

या स्पर्धेचा मुख्य हेतू हा सिंधुदुर्गातील विविध कलागुणांनी परिपूर्ण असलेल्या मुलांना आणि कलाकारांना हक्काचे व्यासपीठ मिळवून देणे आणि त्यांना पुढे आणणे हा आहे.

कसे व्हाल सहभागी?

गाणे पहा: 'अवतरली तारका' हे गाणे यूट्यूबवर उपलब्ध असून, या गाण्याचे मूळ नृत्य प्रकार (स्टेप्स) आपण तिथे पाहू शकता.

रील तयार करा: या गाण्याच्या स्टेप्सवर आधारित आपला आकर्षक रील (Reel) व्हिडिओ तयार करा.

 तयार केलेला रील खालील क्रमांकावर पाठवा:

📞 9503554099

 बक्षीस: या स्पर्धेसाठी विजेत्यांना आकर्षक बक्षीस रक्कम स्वरूपात ठेवण्यात आली आहे.

निकाल: पाठवल्या गेलेल्या रिल्सपैकी २ डिसेंबर रोजी दोन विजेत्यांची निवड केली जाईल आणि त्यांना बक्षीस वितरण केले जाणार आहे.

या सुवर्णसंधीचा लाभ घेऊन आपणही आपले कलागुण जगासमोर आणावेत आणि 'अवतरली तारका' गाण्याचे रील तयार करून पाठवावे, असे आवाहन 'चिमणी पाखरं ग्रुप'चे रवी कुडाळकर यांनी केले आहे.