कणकवली : पालकमंत्री नितेश राणे हे विरोधकांना नेहमीच छातीठोक उत्तर देणारे नेतृत्व आहे. सलग तीन वेळा आमदार होण्यामागे त्यांची विकासनिष्ठ भूमिका आणि आक्रमक शैली कारणीभूत ठरली आहे. विरोधकांनी वेळोवेळी त्यांना राजकीय ‘चक्रव्यूव्ह’मध्ये अडकवण्याचा प्रयत्न केला; मात्र राणे यांनी प्रत्येक वेळी तो भेदून विजय मिळवला, आणि यावेळीही त्याचीचं पुनरावृत्ती होणार, असा ठाम विश्वास भाजपाचे नगराध्यक्षपदाचे उमेदवार समीर नलावडे यांनी ‘कोकणसाद Live’शी बोलताना व्यक्त केला.

“विरोधक कितीही राजकीय खेळी खेळोत… कणकवलीच्या विकासाला अडथळा आणू देणार नाही. नितेश राणे यांच्या नेतृत्वावर जनतेचा विश्वास अबाधित आहे. यावेळी देखील आम्ही विरोधकांचा ‘चक्रव्यूव्ह’ भेदून बाहेर पडणारच!” असे नलावडे म्हणाले.

यापूर्वी कणकवलीत रस्ते, शाळा, पाणीपुरवठा, पर्यटनविकास या प्रकल्पांसह अनेक कामे पूर्ण झाली आहेत. “आणखी मोठी कामे लवकरच दिसतील,” असा विश्वासही त्यांनी व्यक्त केला.