कणकवली : कणकवली नगरपंचायतीच्या निवडणुकीतील भाजपाच्या उमेदवारांच्या प्रचारासाठी पालकमंत्री नितेश राणे स्वतः मैदानात उतरणार आहेत. थोड्याच वेळात मंत्री राणे यांच्या उपस्थितीत शहरात भव्य प्रचार फेरी निघणार आहे. पटकी देवीच्या मंदिराजवळून या फेरीला प्रारंभ होणार आहे. प्रचारफेरीसाठी शहरातील कार्यकर्ते जमू लागले आहेत. शहरातील सर्व शहरांमध्ये ही फेरी जाणार आहे. या माध्यमातून भाजपा शहरात जोरदार शक्तिप्रदर्शन करणार आहे.